روآيــــة غرور يوســــف ..

إدآريــــه

البارت الحادي عشر
غرور: اَه اَه

شوق: غرور قومي تعالي معاي

قرب منها ومسح على شعرها بهدوء وقال: سمر ليش مصممه انج تخسرين الاثنين

سمر: _

حمد: هانت عليج العشره هانت عليج امي نجاح الا ربتنه

سمر: _

حمد: : وبعدين ممكن اعرف ليش كل هذا اليئس انتي موب قليله بنت حلوه وبنت عائله وجامعيه والف من يتمناج

وظل يهدأ فيها لوقت الا حس فيه انها صج هدئت .. , نروح الا غرور

ظغطت باصبعها على الباب رغم الذي حصل تود ان تكون بجانب اختها وصديقه عمرها

شوق: غرور

درات لها من غير جواب وكانها تقول لها خير

شوق: الاول كنت اظن انج غير عنه مشاعرج خاصه فيج ومستحيل تطلعينها والحين الوقت الا طلعتيه فيها اكتشفت انج كلج مشاعر زي يوسف

غرور: انا ويوسف نخلقنه لبعض .. وشخصيه سمر الطيبه الحبوبه مستحيل تناسب شخصيه سيف

سمعت صوت طلعت على طول .. قلت حمد طالع من الغرفه

غرور: حمد

ابستم حمد وكانه يقول لها اَسف

غرور: طمني عليها

حمد: الحمدالله احسن بوايد احسها

لمح شوق الا واقفه من بعيد حس ان صحتها رجعت لها من يديد بهذه السرعه لكنها صج حلوه

حمد: غرور انا اسف خيوتي اعتذر لج بدال سمر

غرور: ومن متى انا اعتبر سمر غريبه ؟ سمر انا ومستحيل ازعل منها اهي اختي زي ما اهي اختك

حمد: دائماً تغلبيني بالكلام الله يهني يوسف فيج

ابتسمت غرور بحياء والم

حمد: تاخر الوقت تصبحين على خير وديري بالج على نفسج

غرور: حمد سمر نامت ؟

حمد: ايه ما تركتها الا الوقت الا نامت فيه

غرور: الله يخليك لنا

حمد: انتي وين بتنامين؟

غرور: انا ما بنام بيلس جنبها

حمد: لكن

غرور: هذه راحتي

حمد: يلا عيل سلملم

غرور: سلملم

طلعت شوق وهي تبتسم : حلوه علاقتج بحمد

غرور: حمد اخوي واكثر بعد

شوق: علاقتكم حلوه رغم انكم موب اخوان الا ان علاقتكم قويه ومبنيه على الاخوه .. يا ليتني انا بعد مع اخواني جدي صج الله يحبج

غرور: انتي بعد من اليوم ورايح بتصير زي اختي

غمزت شوق: اكيد موب انا اخت يوسف

غرور: والله انج فاضيه

دخلت غرور الغرفه لقت سمر نايمه على سريرها وخصلات شعرها متبلله من الدموع يلست يمها تمسح على شعرها وتبجي بهدوء

معقـــ ـــولـــه هذه الدنــــ ــيا بتحرمنا من بعــــــ ـــض ؟

الصباح

صحت سمر لقت غرور نايمه جنبها .. وباين عليها انها تعبانه وايد عدلت يلستها تنهدت .. تمت ان الا صار البارحه كابوس

مسكت يد غرور بتردد وقالت: غرور غرور

صحت غرور

سمر: ليش نايمه على سريري ؟

غرور: انتي بخير ؟

سمر: لا كنت لا لكن الحين عال العال

غرور: سمر انا ما ادري شنو اقول لج بس صج سوري

تنهدت سمر وقالت: لا تحملين نفسج ذنب انتي ما لج دخل فيه غرور انا

غرور: انتي شنو

سمر: حاسه ان الا صار لمصلحتي يمكن يفتحني وبعد الا صار مستحيل اسلم واهدي قلبي لاي انسان

ابتسمت غرور: هذا صلاح لج .. ومع الايام بتنسين يمكن كلامي يالمج ويقول لج اني موب حاسه فيج .. لكن صدقيني هذا العكس

سمر: عمري ما شكيت فيج وهذه الرياح الا دخلت بعلاقتنا وهددتها ونجونا منها ..و هذا اهم شي انتي وكل الا احبهم عندي اياهم بالدنيا كلها

ضمو بعضهم ويلسو يبجون ..

بعد يومين

سافر سيف الا لندن علشان يهذا اعصابه ويفكر بالايام اليايه ..

المزرعه...

صباح جديد والم منير

فتح الستاره وقال : احب الشمس وايد ما ادري ليش احس ان صاحبها الامل الا ينولد ويشرق معاها

حمد: انا موب قد كلامك هذا

يوسف: هههه عيل شنو الا قده علشان نتكلم فيه .. فيه احلى من الامل

حمد: ايه غرور لو نسيتها ؟

يوسف: اووه صج على طاري غرور انا مواعدنها اركبها خيل

حمد: الصبح عاد وبهذه الشمس؟

يوسف: ما بنروح بعيد ولا بنطول .. سلملم

حمد: هههه علمتها لك غرور

يوسف: اعرفها من برنامج صادووه

طلع وهو مبسوط

تفتحت الورود وفاحت العطور وذابت الصخور امام حبك الموجود..

يوسف: اَسف لاني تاخرت عليج

إدآريــــه

يتبع ..

يوسف: اَسف لاني تاخرت عليج

غرور: لو مايت ولا تاخرت اكثر ان جان قلت لعم منصور يطلع الخيل وخلصنه..

يوسف: افا وانا

غرور بدلع: مثل ما تطنشني بطنشك وما تفكر فيني ما بفكر فيك

يوسف: وتصدقيني لو قلت لج ان حتى سوالفي صارت لها دخل فيج

غرور: عن شنو كنت تتكلم؟

يوسف: عن الشمس

غرور: يه وانا شنو لي دخل فيها؟

يوسف: بالغرور انتو الثنتين تستحقون الغرور .. يعني مثلاً الشمس تعرف انها مغروره والدليل انها ما سمحت لنا ولا مره نجوفها كل الا نجوفه ضوءها .. وانتي

غرور: ما لك دخل فيني

يوسف: شنو هذه بعد (( وهو يقلد على صوتها )) ما لك دخل فيني ؟ وهذه انتي تعرفين ان .... ((غمز لها

غرور استحت : يوسف شفيك اليوم انا ماشيه

يوسف: من صجج؟

غرور: ايه وهذا عقاب لك

يوسف بويهه بري: واهون عليج

غرور: يوسف اعقل ولازم تعرف ان هذه الحركات ما تمشي معاي من البدايه (( دارت وهي ماسكه ضحكتها ))

يوسف: الله يعيني

غرور بعصبيه مصطنعه: شنو؟

يوسف: اقول ما نسوي خطوبه نسوي عرس على طول .. ونرد البيت

ابتسمت غرور بحياء ومشت عنه ...

(( المساء ))

دخلو الثلاثي شوق وناصر ويوسف البيت ..

يوسف: يمــــه يمــــه

ناصر: جوفي اخوج شلون يصارخ وكانه سنه غايب عن البيت موب كم يوم

شوق: ما ينلام غرور حبيبه قلبه معاه

ناصر: بس عاد جب .. انتي صغيره على هالكلمات حب وخرابيط

شوق تقول في نفسها اختك الا تقول عنها صغيره حبت وفشلت بسرعه ومستحيل تسلم قلبها مره ثانيه لاي انسان..

نزلت ام ناصر: هلا هلا بعيالي

سلمو على امهم ..

ام ناصر: البيت من غيركم كريهه وما له طعم

يوسف: لا يسمعج الوالد ترى والله يزعل

الكل: هههه

ام ناصر : ما طولتو ليش؟

ناصر: يوسف يبي يخطب ويعرس

ام ناصر: علشان ناصر بيعرس يعني

تغيرت ملامح يوسف

ناصر : اممم لا يمه انا توه الناس علي

ام ناصر: شنو تووه الناس موب انت الكبير

ناصر: وايد يصير لصغار يعرسون قبل لكبار .. انا موافق ..

ام ناصر بعصبيه : وغرور

ناصر: غرور تتزوج يوسف

ام ناصر: ايه هذه الكلام السنــــع كللوش

نزل حمد من السياره وغرور وسمر للحين سكر الباب وفتحه من يديد

حمد: ما بتنزلون

غرور: بننزل بس لحظه

حمد: شفيكم تحت شنو تسوون؟

سمر: نلم الاغراض الا طاحت من الكيس

لموها ونزلو حمد سكر الصندوق

حمد: وهذا انتو رايحين المزرعه الا دائماً فيها وكل هذه الشنط عيل لو تروحون لندن شنو تسوون

طنشوه ومشو عنه

حمد: كل هذه الشنط بشيلها بروحي

غرور: ما عندنه ريال غيرك ما اشترينه للحين

حمد: الريايل السنعين ما ينباعون

إدآريــــه

حمد: الريايل السنعين ما ينباعون

سمر: باجر بنبيعك لزوجتك ولا ما تنباع ؟

حمد: لا اذا الا زوجتي بنباع فديتها

غرور: لحظه بنادي لك السواق والشغاله يشيلون الشنط معاك

حمد: اخيراً تكرمتي انسه غرور

بعد قليل ..

سمر: غرور اظاهر عندنا ضيوف

غرور: ضيوف؟

سمر : ايه جوفي السياره الا اهني (( اشرت عليها ))

غرور: ما بنقدم الامور ندخل ونجوف

دخلو الصاله فاضيه والطابوق الارضي بكبره فاضي
ركبو فوق

غرور: تصدقيني وحشني البيت

سمر: عيل شلون اذا تزوجتي وتركتينا

غرور: لا تذكريني .. الا اقول لج تعتقدين ابوي اهني

سمر: ما ادري بس اعتقد ان ييته له بهذا الوقت مفاجأه له

غرور: ايه والله ما طولنا

سمر: بعد تبين تطولين وتعرسين صج طماعه

غرور: معقوله بعد شهرين اقدر اخلص اغراضي ..

سمر: تقريباً كل شي مويود عندج

غرور: شلون يعني

سمر: الاغراض الا كنت شاريتهم لي خذيهم انتي وانتي بعد الا مختارتهم

غرور: لا اغراضح بيبقون لج وان شاء الله قريب بنفرج فيج بس خليج متفائله زي زمان

وهم يتمشون لمحو مرأه تتمشى .. طالعه من غرفه بو غرور معقوله وحده منهم تتخيل؟؟

انتهى البارت

مشرفه استرآحه الاعضآء

بلـــــــيززز
اكمـــلـــي

إدآريــــه

غرور وهي تحاول تستوعب: سمر تجوفين الا اجوفه

سمر: اجوفه وموب مصدقه

حست المرأه بوجودهم دارت لهم وقالت: من انتو حراميه حراميه

صرخت على اخر ايامهم يقولون عنهم حراميه ببيتهم تخيلو شكلهم شلون صار ممزوج بالخوف والحياء والاستعجاب

غرور وهي ترفع من صوتها علشان تسمعها سمر: معقوله ابويه باع البيت

سمر: لا يمكن غلطنه بالبيت

غرور: شنو غلطتنه انتي بعد ...

طلع ابو غرور من الغرفه ..

غرور: كاهو ابوي

انصدم ابو غرور علمه فيهم بييلسون شهر ولا اكثر

غرور: من هذه يبه ؟

المرأه انتي الا مين ؟

ابو غرور: ما تسمعينها تقول لي يبه معناته هذه بنتي

غرور: عرفتي عرفيني على نفسج عيل (( بدأت ترفع صوتها وتعصب))

مسكت سمر كتف غرور وقالت بخوف: من هذه عمي

بوغرور: هذه هذه

المرأه: انا سناء زوجته

غرور ودمعتها تطيح : زوجتك وامي (( رفعت من صوتها ))

سمر للحين تحاول تستوعب المووضوع

بو غرور: -

سناء: ما تتكلم .. ولا اتكلم عنك

سناء مصريه ابوها يشتغل عند ابو غرور

بو غرور: انتي نجبي ولا كلمه انا الا بقول الى بنتي على كل شي

سناء: تقول لها ايه انك مجبور ولا مظلوم ولا تزوجتني من اربعه شهور

غرور بترجي : يبه قولي لي انها تكذب ولا اني بكابوس ولا ان هذه مزحه بليز

سمر: غرور اهدي هذه سنه الحياه

غرور: ووين راح ولائه لامي وحبه لها كل هذا الكلام تمثيل لي ولها خداع صدمتني فيك يا يبه وعقدتني من الحب

سناء: ايه يا اختي كل هذا علشان عرفتي ان ابوج متزوج شلون عيل لو عرفتي اني حامل

غرور: لا لا

دخلت غرفتها وهي تبجي طالعت صوره امها مع ابوها واهي وسطتهم حست بهذه اللحظه انها خسرت الاثنين خسرت الكنز الثمين والحنان الكبير

الساعه عشر

بعد ما اخذت لها دش وحست نفسها مرتاحه حتى لو قلبها تعبان مشطت شعرها وهي تطالع نفسها بالمنظره وتجوف سمر نايمه ابتسمت .. وصار حالي زي حالج يا سمر موب ناقصني الا اخو وبتيبه سناء .. بس موب من امي

تذكرت امها قبل 5 سنوات
كانو يالسين بالصاله حمد واهي وسمر وامها

ام غرور: والله يعورني قلبي كل ما اجوفج تكبرين

غرور: هذا بدل ما تفرحين

سمر: ههه فهمتج يا يمه يعورج قلبج لانها قريب بتتزوج وبتروح بيت ريلها ..

غرور بعصبيه : انتي جب اي زواج اي خرابيط وانا حتى 17 ما كملتها

ام غرور: لا الزواج صغيره عليه

طلعت غرور لسانها لسمر

ام غرور: العمر يركض لو بيب لج اخو ولا اخت الفرق بينكم كبير

حمد بنبره مرح: خلاص يمه نزوج ابويه

ام غرور: ما يسويها انا وغرور عنده بالدنيا

حمد: الله يخليج لنا يا يمه

طق الباب ونفتح ..

بو غرور: غرور تعالي بغيتج

طلع من غير ما يسمع جوابها حاسه نفسها قاسيه لكن في شي يشدها انها تطلع .. ومهما يكون بيظل ابوها الا تحبه وتموت فيه

بو غرور: تعالي يبه يلسي اهني ..

يلست غرور وقالت: يبــــ ــه ما اريد اتكلم بهذا الموضوع

ابو غرور وولا كانه يسمعها: خالتج ام ناصر دقت عليه وقالت لي انها تريد تخطبج لولدها يوسف شرايج

غرور بعصبيه والغيره : تريد تزوجني وتفتك مني مو؟

بو غرور: غرور اهدي يبه وانسي هالموضوع الا ما نقدر نغير منه شي

غرور: يعني جايبني اهني علشان تحطني جدام الامر الواقع والمطلوب مني اني ارضى فيه

بو غرور: الزواج من حقي

غرور: موب من حقي الومك يا يبه وفي النهايه ما تهمني الا سعادتك

مشت عنه .. يعجبني هالمثال ووامن فيه وهو كل بنت معجبه بابوها

تعلق غرور بابوها تعلق غير طبيعي امها دائماً مريضه كان اهو في ذلك الوقت لها الام والاب والصديق والاخ

بعد اربعه ايام ..

ام ناصر تكلم غرور بتلفون: حياج يا يمــه البيت بيتج

غرور: مشكوره خالتيه بس موب اكيد اييكم

ام ناصر: لا حبيبتي بتيين غصباً عليج

غرور: ضحكتيني يا خالتيه وانا ما لي نفس اضحك

ام ناصر: يا حلوج وانتي تضحكين متى تصيرين عندي والله لادير بالي على ضحكتج

غمز يوسف لامه ... كان حاط التلفون على السبيكر ويسمع كلام غرور مع امه

ام ناصر: وكاهو يوسف يغمز لي

دقات قلبها تسارعت من سمعت اسمه : خالتـــ يـــه يوسف عندج؟

ام ناصر: ايه فديته كاهو متربع جنبي والا بتسامه فاجه الحلج..

ضحكت غرور بحياء: هههه

ام ناصر: كاهو ياشر لي ويقول لي اني اسلم عليج

غرور: الله يسلمه .. (( وعلشان تقهره )) قولي لي ما ييلس يمج ما اريد

قاطعتها: تغارين يا يمـــه

غرور بنبره انكار: لا .. انا اغار اكيد لا

يوسف كان يسمع غرور وهو مقهور

ام ناصر~: عيل ؟

غرور: بس

ام ناصر: مسكين واهو ملهوف وولهان عليج .. وحاط التلفون على السبيكر بعد

غرور: شنو ؟

ضحك يوسف بصوت عالي وقالت بصوت اعلى : يا مغروره

غروره وهي ترفع من صوتها وتضحك : يا الملهوف يا الولهان

اخذ التلفون من امه وقال: امي تبالغ عيل انا اهتم فيج مستحيل

غرور بمرح: هيه اطلع عن حقيقتك وتقول تحبني بعد

يوسف وهي يطلع من البيت ويبدل نبره صوته من تحدي الا رومانسيه : تشكين بحبي لج؟

عرفت اهنه غرور ان التمثيليه الا مثلوها على ام ناصر انتهت قالت بدلع: ايه

ابتسم يوسف: وحشتج؟

غرور: موب وايد

يوسف : لكن وحشتج

غرور: يعني

يوسف: هههه وحشتك من غير ما تقولين الا بقلبج يوصل لقلبي

تنهدت غرور: يا ليت كل الناس يستخدمون هذه الوسيله من القلب الى القلب

يوسف عوره قلبه : ليش عاد كل هالتشاؤؤم ؟؟

غرور: لازال الامل موجود ولكنه مهزوز

يوسف: اموت واعرف شنو الا غيرج جيه فجأه .. غرور اذا تحبيني صج عجلي بزواجنا كفايا تاجيل

غرور من غير شعور : ان شاء الله خلاص .. لا لتاجيل

صمت ...
غرور: الا سكتت؟

يوسف: يكفيني اني اسمع انفاسج

غرور: متواضع عيل

غيرت نبره صوتها : يلا الحين بسكر عطيتك فيس وايد

يوسف: ما استاهل

غرور: موب من حقك هالكلام الحين بعد ما نتزوج يصير خير

يوسف: وعد

غرور: وعد .. يلا سلملم

يوسف علشان يطول المكالمه: بتسكرين قبل ما اسمع اخبارج ؟

غرور: اخباري كلها سمعتها ويا الله الحين اترك عنك هالحركات المكشوفه .. سلملم

سكرته ...

سمر: اخيراً اخذتي قرار

غرور: وبعد متردده

سمر: غرور .. انتي ما تريدين تعرسين تدرين ليش؟

غرور وهي تتربع وتقلد على لهجت سمر: ليش يا ام العريف

سمر: علشان عمي خايفه تتركينه وتنصدمين من يديد

غرور: خلاص يا سمر تعودت على هذه الدنيا الا كلها صدمات نصدمت من ابويه الا عندي اياه بالدنيا كلها وخايفه انصدم من يوسف الا عطيته قلبي كله

سمر: لا يوسف يحبج

غرور: وانا احبه .. لكن ابويه كان احب امي وشفتي الا صار ..

سمر: لا تتعقدين من الحب يا غرور ترى الحياه ما تنعاش من غيره .. والحي موب رفيج الصاحي

غرور: كاسره خاطري امي

سمر: ما كسر خاطرج ابوج الا نحرم من كل شي وتوه الحين يتمتع بحياته خلاص يا غرور عيشي حياتج اليديده الا اختارها قلبج وتركي عمي يعيش حياته الباقيه ويعوض الا فقده...

بيت بو ناصر
دخل يوسف البيت الا الكل مويود

يوسف: ما صارت دقيقه طلعت فيها كلكم نزلتو ..

ام ناصر: دقيقه ولا عشر كل هذا مع غرور

شوق: فديتها والله مشتاقه لها ..

ناصر بسخريه : وانتي تعرفين تشتاقين علشان تشتاقين

عطته نظره قاسيه وغير مباليه

يوسف كمل كلامه مع امه : تغارين عليه ؟

ام ناصر: اغار عليك من بنتي غرور حسبت بنتي اهي وسمر

تسارعت دقات قلب ناصر من سمع اسم سمر

شوق: انزين يمـــ ــه وحمد؟

ام ناصر: وحمد بعد فديته خوش ريال

ناصر من غير قصد: وانتي شنو عليج من حمد؟

شوق نحرجت اصلاً ما تدري ليش سالت هذا السوال حبت تغير الموضوع

شوق : اقول يوسف

يوسف: هلا

شوق: شنو الا انتفقتو عليه انت وغرور بخصوص الزواج

غمز لها وقال: ما لج دخل

إدآريــــه

الفصل الثالث عشر

عندما يشرق الامل من جديد وتتفتح الزهور وتصفى تلك القلوب يبقى ذلك الحب شمعةً تضيء الدروب

بدائنا جميعنا نبتسم من جديد رغم الالم والصدمات , ربما رضينا بالامر الواقع ؟ وربما اصبحنا اسيرين الحب

طلع حمد لقى غرور يالسه بالحديقه ومندمجه بكتابتها حب يسوي لها مقلب زي ايام زمان لكن حس ان عقله مسكر حس نفسه كبر على المقالب وغرور بعد .. لكن قرر يتحدى نفسه

دخل داخل بسرعه دخل غرفه سمر اخذ عبايتها وشيلتها الا نادراً ما تلبسهم .. طلع راح غرفته جاف باروكات جنب علبه الوانه اخذ الباروكه ونزل لغرور وهو متلثم ..
وغرور حاطه القلم على خذها وتفكر سرحانه ..

حمد وهو يقلد صوت الحريم : السلام عليكم

فزت غرور من مكانها من هذه صارت تمشي على وراء واهو موب قادر يمسك ضحكته ضحك

غرور وهي تصارخ: يمــ ـــه جنيه ... سمر يبه لحقو علي حمد وينكم ..

طاحت على وراها
فسخ حمد الا عليه وابتسم : تعيشين وتاَخذين غيرها..

غرور وهي موب قادره تقاوم الالم : اَه ...

تقرب منها وقال بنبره خوف: شنو فيج؟

غرور وهي موب قادره تتكلم : ريلي ريلي اَه

اجت سمر بسرعه ومعاها سناء

سمر: شفيكم

حمد: غرور ريولها تعورها لبسي بسرعه علشان نوديها المستشفى

سناء والافكار تاخذها وتيبها: انتو ما تستحون ....

غرور : حمد شنو قاعده تقوم هذه

سناء: موب عيب عليكم

حمد وصل حده قام يصارخ : انتي شفيج ما تفهمين البنت متعوره وانتي تزيدينها بهذا الكلام الفارغ

سناء ببرود : تعالي طقني اجوف

حمد: لو بيدي طقيتج بس الحشيمه موب لج الحشيمه لعمي ..

غرور وهي تعص على ريولها: اَه.

حمد: قومي غرور مسكي يدي

غرور: حمد وين سمر ؟

حمد وهو ياشر على سمر : كاهي يايه

سناء: يا زعم خايفه منه.

ما قدر حمد يمسك اعصابه ضربها بالقلم ..

سناء وهي تبجي: ما عليه هين ..

حمد: سوي الا بتسوينه اهم شي تفارقين

غرور: اَه اَه حرام عليكم

مسكت سمر غرور بخوف وقالت: قومي حبيبتي لا تدوسين عليها ..

بيت بو ناصر ..
ام ناصر: حياج يا بنيتي البيت بيتج

شيخه رفيقه شوق: مشكوره خالتيه

ام ناصر: بتركبين لشوق ولا اناديها؟

شيخه: لا خالتيه لا تعبين نفسج انا موب غريبه انا بركب لها.

شوق كانت بهذا الوقت تقرأ كتاب
طق الباب قالت بملل: تفضل

دخلت شيخه وهي تصطنع الشوق والوله: شووقه..

شوق يخيبه امل وكانها ما تمبي تجوفها: هذه انتي

شيخه: ايه ما وحشتج وهذا نحنه دائماً مع بعض

يلست شيخه تسولف وايد شوق مستعجبه ..

شيخه: الا شلون فهد؟

شوق: انتي ادرى

شيخه: ما يهمج ولا تمبين تسمعين اخباره؟

شوق: الاثنين فهد صفحه بحياتي وانتهت بحلاوتها وماساتها

شيخه: الحمدالله طمنتيني معناته بتحضرين خطوبتنا

شوق: ما تستاهلون

شيخه: افا انتي وايد غاليه عليه واكبر مثال ييتي لج اهني علشان اعزمج بنفسي

شوق: سلمي على خطيبج وقولي له شوق صحت من كابوس حبك وانتهينا من هالعبه الا يالس تلعبها.

طلعت شيخه وهي معصبه وشوق مستعجبه من هالقوه الا يتها مره وحده حست بهذه اللحظه انها محتاجه تبجي .. لكنها منعت نفسها وقررت تسلي نفسها بسوالف غرور ...

انتصلت على غرور

المستشفى

حمد: صوت شنو هذا؟

سمر: موبايل غرور يبته معايه

حمد: ها

سمر: انت رد على ما انا ادخل واطمن عليها

مسك حمد التلفون
حمد ومن غير نفس: الو
شوق: هلا وغلا بالغاليه

حمد من سمع صوت شوق عدل نفسه: اهلا

شوق: مسامحه بس موب هذا تلفون غرور ؟

حمد: بالضبط بلحمه وشحمه... تااااااااااااااابع______

إدآريــــه

شوق: هههه انت حمد؟

حمد: ايه انا شلونج شوق؟

شوق: شلون عرفت ؟

حمد: فيه وسيله اسمها نبره الصوت

شوق: ههه

حمد يقول في خاطره فديت هالضحكه انا الا نستني همي كله

شوق: عيل وين غرور؟

حمد: المستشفى

فزت من مكانها وقالت: المستشفى ؟

حمد: ايه تطمني ما فيها شي بس كسر بريولهاا

شوق: شلون نكسرت ؟

حمد: كنت امزج معاها وطاحت

حست شوق بالغيره : طيب سلم عليها

حمد: ان شاء الله

سكرت الموبايل ونزلت بسرعه لامها ..

شوق : يمـــه سمعتي اخر الاخبار

ام ناصر: الاخبار

ابو ناصر: ما تشوفينا نطالعها ..

شوق: لا يبه انا اقصد الاخبار العائليه

عدل يوسف يلسته وقال: اخبار بيت عمي شفيهم؟

ابو ناصر: اكيد مصيبه يديده

ام ناصر: لا تفائلو بالخير تجدوه

يوسف: موب وقت امثالج يا الغاليه .. تحجي شوق

شوق: غرور

يوسف بلهفه: شنو فيها؟

شوق: نكسرت ريولها اليوم المغرب

يوسف: شلون؟

سياره حمد..

حمد: انا اَسف يا خيوتي

غرور: لا يا حمد لا تحمل نفسك الذنب انا الغلطانه المفروض احاسب

حمد: يعني موب زعلانه..

غرور : مستحيل ازعل من اخويه

سمر: وانا وين رحت؟

الجميع: هههه

سكت حمد وسرح..

سمر: شنو فيك؟؟

حمد: الصراحه احاتي دخلتي الحين البيت

سمر: انت الغلطان يا حمد المفروض ما تطقها

حمد: نرفزتني .. شككتني بنفسي

غرور: تطمن يا حمد انا وياك

حمد: وتعتقدين هذه الكلمه تريحني؟

غرور: ها ... فهمت عليك

رن تلفون حمد..

حمد: الو هلا هلا بمعرسنا

ابتسمت غرور .. شغل حمد السبيكر علشان تسمع غرور

يوسف: شلون غرور؟

حمد: ههه بالاول سلم

يوسف: حمد لا تلعب باعصابي

حمد: ههه لهذه الدرجه الحب صعب

يوسف عصب: حمد قول الا تمبيه بس بالاول طمني عليها..

حمد ببرود: زينه

يوسف: بس زينه؟

حمد وهو يحاول يمسك ضحكته: ايه بس تطمن ..

يوسف: طيب اهي وين؟

حمد: بالسياره بالمقعد الا وراي تسمعك كلمها

يوسف بنبره حنيه: غرور

نزلت دموع غرور حست باحساس غريب وكان هذه النبره ذكرتها بابوها وامها الا ما يقدر اي انسان يعوضها حنانهم بس يوسف وايد طيب وحنون معاها ويخاف عليها ويداريها..

غرور: هلا

يوسف: سلامتج يا الغاليه

غرور: الله يسلمك

يوسف: الحينه شلونج؟

غرور: طيبه الحمدالله وانت شلونك؟

يوسف: بخير دامج بخير

حمد: بس خلاص انتهت المكالمه كلها كم اسبوع وبتصير مرتك وتجوز فيها..

سمر : بدري وخصوصاً هالكسر راح يأخر الزواج

يوسف: ما عليه انا كفايا عليه شهر اكثر صعب

حمد وسمر: ههههه

غرور تسمح دموعها وتقول: فديتك

إدآريــــه

الفصل الرابع عشر
دخل السياره بالكراج
حمد: تمبوني اساعدكن

غرور: لا اوكي كاهي سمر معايه

دخلو ..
ابو غرور وهو يوجهه كلامه لسناء: البنت صج تعبانه

سناء: -

بو غرور بحنيه: شفيج يبــه

مسكها ويلسها جنبه

غرور:لا ابد يبـــ ــه بس نكسرت ريولي

بو غرور: سلامتج ما تجوفين شر يا الغاليه

غرور: الشر ما يجيك يبه

بو غرور: شلون نكسرت؟

سناء: حمد كسرها لها .. الصراحه عيب (( ويلست تتحرطم))

والكل ماسك اعصابه الا ابو غرور الا كان يهمه يسمع كلامها

حمد: عمي لو سمحت سكتها ترى انا محترمك

قاطعه : بعد ما طقيتها تقول لي انك محترمني

حمد: اَسف يا عمي بس والله كلامها نرفزني

بو غرور: انت واحد قليل ادب يا خساره تربيتنا فيك راحت ...

غرور: لا لا يا يبـــه

بو غرور بعصبيه : الف مره قلت لج يا غرور لا تعامليه جيه مهما يكون ريال قلتي لي اخوي اخ يكسر ريول اخته؟

غرور: ما كسرها انا الا طحت .. المفروض احاسب

دمعت عيون حمد وقال: شنو المطلوب مني الحين يا عمي

بو غرور وما يدري شلون طاوعه لسانه: تاخذ شنطتك واغراضك وتدلف على ويهي

وما زالنا متماسكين ويبقى هذا السؤال هل بعد هذه العواصف سيحل السكون ؟

(( غرفه حمد))

غرور بنبره ترجي : لا لا سامحوه علشان خاطريه ويلسو اهني

حمد: انتي اكثر وحده عارفه ان من دخلت سناء البيت انا واختي المفروض نطلع منه

غرور: انزين انا موب اختكم؟

حمد: الله يعلم يا غرور ان عمري ما نظرت لج الا زي ما ينظر الاخ لاخته ومعزتج ما تفرق عن معزت سمر اختيه

سمر: وانا ما يحتاي اتكلم ..

ضمو بعضهم ويلست غرور تبجي بصوت عالي

سمر: اووه عاد غرور لا تعورين قلبي وتبجين كانج ياهله

حمد: ديري بالج على نفسج .. (( تنهد ونزل راسه ورفعه )) والله يعدي هذا الشهر على خير

سمر: وبعدين بيتنه اهو بيتج تعالي لنا في اي وقت

مشرفه استرآحه الاعضآء

تكملي

بليــــز

روآيــــة غرور يوســــف .. - صفحة 2 1371890812

إدآريــــه

بعد مرور شهر

هدأ البيت الذي كان مملؤ بالفوضه وتبعثر الحب .. تعلمت غرور مما اصابها العديد من الدروس واهمهم الحب كالعاصفه التي تهجم على قلوبنا ومن غيره نموت فهو كالهواء والنوم ..

سمر: كللـــ ـــوش

غرور بنبره خجل: بس عاد

سمر: شفيج خليني اجبب مبسوطه وايــ ــد وكــأنه اليوم عرسي موب عرسج

غرور: يا عمري والله يا سمر والله انج احلى اخت بالعالم

سمر: عقبــال ما اجوف عيالج

غرور: موب قبل ما اعرسج عقبالج يا احلى سمر

سمر بنبره يئــس : لا انا توه الناس عليه

غرور: شنو تووه الناس عليج وانتي بعد شهر بتكملين 22 سنه

سمر: ما اقدر ارتبط ولا افكر بالزواج والحب الا بعد ما انظم قلبي

غرور: سمر صارحيني انتي للحين تحبين سيف؟

سمر: لا سيف صفحة استخدمتها والمفروض اتركها فاضيه لكني اكتشفت ان بعد ما استخدمتها امتلئت بالسواد

حضنت غرور سمر وقالت: انتي ما تستاهلين الى الاوراق البيضه الا من بعيد ومن قريب تبقى بيضه

سمر: وبعدين شلون تقولين عقبالج وانا حتى الطلاق ما تطلقت والله انج ناسيه ان سيف مالج عليه..

تنهدت وقالت : يعني للحين المشوار طويل

غرور: الله معاج يا حبيتي وكلنه معاج حتى ابويه الا اهو ابوج

سمر : -

غرور: شفيج؟

سمر: ما يحتاي اتكلم وانتي فاهمتني ما يحتاي انكد عليج باهم ليله بحياتج

غرور: شنو احلى ليله انتي الثانيه انا ميته خووف

سمر: ههه لهالدرجه يوسف يخوف

غمزت لها ...

وضع المسات الاخيره بالوحه وابتسم .. رسم صورتها مع يوسف وهم صغار الصوره روعه ... حس حمد ان محتاج يرجع الماضي الا مستحيل يترجع والى تحول الى تراب

ظل يتذكر ذكرياته مع غرور الا كانت وبظل طول عمره اخته لوقت الى حس ان جسمه تعبان ومحتاي ينام .. غمض عينه وراح بسابع نومه

حس انه صاحي رغم انه نايم .. حلم ان سيف يجر سمر وغرور من شعرهم واهو يبجي جاف يوسف مرمي على الارض بدمه واهو يبجي وشوق تصارخ وناصر واقف مقهور ...

صحى بصرخته
دخلو عليه بسرعه سمر وغرور

سمر وهي تسمح على شعرها : بسم الله الرحمن الرحيم .. شفيك يا اخــوي ؟

غرور وهي توجه الكلام لسمر: اظاهر انه كان يحلم

سمر: حلم بالصبح.؟

غرور: ليش الصبح ممنوع الحلم فيه ؟؟

بعد قليل ..
شربوه ماي ابتسم وتعوذ من الشيطان الرجيم قام متوجهه الى الحمام

سمر: وين بتروح؟

حمد: الحمام.. بتوضأ علشان اصلي

سمر: ما اذن ..

حمد: وانتي شنو عليج؟

سمر: جزات الخير .. يلا يا غرور علشان نروح الصالون

غرور: موب قبل ما نطمن على حمد ...

سمر: حمد ما فيه شي توج جايفته لسانه متبري منه..

ابتسمت غرور وسرحت .. معقوله بقدر اتركم مثل ما تركت امي وابوي .. صج الله كريم الى عوضني فيهم .. والله بشتاق لهم الى يلستهم ضحكتهم...

سمر: هيه غرور وينج وين رحتي؟؟

إدآريــــه

غرور: لا ابد معاج خيوو

سمر: اقول لج ما يتغيرون رايكم وتسافرون ؟؟

غرور: لا يا سمر الجامعه بتفتح بعد اسبوع والله ما بيمدينا نستانس ..

سمر: صج طماعه .. ارضي بالقليل .. يعني لازم ايام وايد

غرور: ماجلين شهر العسل للعطله اليايه .. وهذه اخر سنه لي بالجامعه ولازم اركز فيها

طلع حمد وابستم ..

غرور: ها شلونك الحين

حمد: بخير

سمر: اظاهر انك كنت تحلم حلم مزعج

حمد: وايد

غرور: عيل لا تقوله

سمر: ها .. تطمنتي على حمد الحين يلا نمشي

حمد: وين بتروحون

سمر: الصالون

حمد: انتظروني انا بوصلكن

دار للوحه الى رسمها وقال: غرور هذه هديتي لج انتي

غرور وهي جانه على الوحه صج حمد فنان : ياي هذا يوسف من وين يبت الصوره ورسمتها ..

حمد: ههه يبتها بطريقتي الخاصه

غرور: مشكور يا اخوويه..

حمد وهو يقلد على لهجتها المتواضعه والطيفه : العفو يا اختي وانا لو ودي ان جان ....

قاطعته غرور وقالت: لا تكمل من اجمل الهدايا الى عطاني اياها رب العالمين انتو .. اخوان كفو توقفون معايه وما تخلوني بروحي

حمد: تخجليني بهذا الكلام انتي بعد يا غرور ما تقصرين

سمر: والله انا ما اخجل بالعكس احب المدح .. كملي

كلهم : هههه

ومع ضحكت سمر سقطت دمعتها التي حاولت اخفاؤها وبعدها دموع

حمد: ههه يه شفيج سمر؟

سمر وهي تمسح دموعها: بتوحشيني غرور

ضمو بعضهم ويلسو يبجون وهم يتبادلون العبارات الجميله .. وحمد يضحك بس من داخله متأثر ..

حمد: والله حاله معاكن يا البنات ما تنعطون ويهه يلا طلعو من غرفتي فارقوو ..

(( بيت بو ناصر ))

ام ناصر: كلووش

ابو ناصر: وانتي ما تسكتين لحظه لا تجببين لا اتصالات لا تغنين

ام ناصر: فرحانه وللحين موب مصدقه عمري

نزل ناصر وهو يضحك...

ناصر: السلام عليكم

ابو ناصر: تعال الحق يا ولدي على امك هلكتني بال...

ناصر: خلها تستانس يبـــه موب كل يوم بيعرس ولدها

ابو ناصر: جيه يا يبه ما بيبقى لك جباب لعرسك ..

ام ناصر: يوم الهنا الا اجوف فيه ناصر معرس .. متى عاد

ناصر: قريب ان شاء الله

ام ناصر: صج والله

ناصر: ايه في بنت في بالي بتعجبج

ام ناصر: منو؟؟

ناصر: تووه الناس يمه انتظري

ام ناصر وهي ترفع يدها: الحمدالله يا رب .. انت سمعت دعائي

ناصر: شدعووه يمه كل هذا علشان قلت لج اني قررت تزوج؟

الصالون..

سمر: شنو هالكشخه

غرور: صج سمر كشخه لا تجامليني

سمر: اووه عاد لا تجننيني تراني ما احب المدح

غرور اكتفت بالابتسامه

غرور: موب ...

سمر: من غير ما تكملين صار لج ساعه وانتي تسالين ما خليتي شي ما سالتي عنه الفستان وقلت لج يجنن والمكياج وقلت لج روعه ....

غرور : بس عاد اكلتيني ...

بعد قليل

غرور وهي تسمك سمر: سمر مسكي قلبي حاسته بوقف ...

انتهى البارت... تااااااااااااااااااااااااااااااااااااااااااااااااا ااااااااااااااااااابع_

إدآريــــه

الفصل الخامس عشر

القاعة ..

كلووش ..

دخلت غرور الى كانت قمر من غير مبالغة , اهي من قبل حلوه وايد شلون الحينه لكن حست ان دقات قلبها تتسارع ولاول مره تحس نفسها خجولة , الناس كلهم المويودين بالقاعده يناظرونها ..

بعد لحظات ..
في وسط الرقص والضجه والغناء.
شوق: الحين بتدخلون طيب
سكرت الموبايل تقربت من سمر وعلت نبرة صوتها: الحين بيدخلون ..

سمر: والله طيب.

دخل يوسف ومعاه ابوه وعمه بو غرور وعمه بو سيف البنات تخبلو عليه وخصوصاً انه موب كبير وايد ووايد وسيم وانيق.

الحظه الحاسمه .

مبروك عليك قلبي يا احلى مخلوق
مبروك ونكتب لك عمري بلحظه من غير فروق ..

جافها وقف مكانه وصله الحلم الا كان يجيه في منامه .. مسك يدها وطبع بوسه على جيبنها ..

قال بصوت رومنسي ولطيف: مبروك يا اغلـــ ـى انســانه

ابتمست بحياء وراسها بالارض: الله يبارك فيك

ابو غرور: هالله هالله بغرور يا يوسف

يوسف وهو يلتفت لعمه: غرور يعيوني لا توصي حريص يا عمي

ابو غرور: ولا تنسى اني بيوم من الايام عطيتك هديه حياتك غرور الا ما عندي اغلى منها بهذه الدنيا.

يوسف: وانا مقدر هذا الشي يا عمي.. والله ما تقصر الله يخليك.

ابو ناصر: اترك عنك هالوصايا كانك حرمه ..

تذكرت غرور امها اختفت الابتسامتها كان ودها تكون معاها بهذاالوقت .. ناظرت سناء الى كانت واقفه بنهايه القاعه . ما كانت تحس بالي حواليها تذكرت حضن امها وضحكتها .. اَه ما اقدر اوصف لكم شعورها .. نزلت دمعه من عيونها مسحتها بسرعه

ما حست الى بابوها واقف جنبها وماد يده لها .. ما ترددت ولا لحظه انها ترمي نفسها عليه قربها منها وضغط عليهت وهي ضغطت اكثر .

همس لها وقال: للحين زعلانه من بابا؟

غرور: لا يبه انا كل الا اتمناه بهذه الدنيا لك السعاده بس يا يبه

ابو غرور: شنو؟

غرور: حمد يا يبـــه

قاطعها وقال: انا طالع ما اوصيح على روحج وعلى ريلج

غرور: ان شاء الله ..

ضمو بعضهم من يديد

ابو ناصر : يا الله يا بنيتي الله يهنيكم ان شاء الله

من جهه ثانيه ابو سيف الى كان واقف جنب سمر .

ابو سيف: عقبالج يا سمر

سمر: الله كريم يا عمي

ابو سيف: الا شخبار سيف معاج ؟؟

سمر : سيف؟

ابو سيف: شفيج يبه ؟؟

سمر: لا ابد يا عمي

ابو سيف: اهو دائماً يسال عنج وقت الى يتصل لنا ..

سمر مستعجبه وتقول في نفسها وله عين بعد

ابو سيف: وان شاء الله بيرجع قريب ... يا الله الحين يا بنيتي استأذن انا

سمر: الله معاك يا عمي

البنات كانو متخبلين على يوسف وغرور في شي متشابهه بينهم بس غير واضح يمكن الغرور والكبرياء ..

المسرح ما كان يفضى ناس طالعه تبارك لهم وناس نازله ..

بعدها اجت المصوره علشان تلتقط لهم الصور .. وطبعاً الحركات الى تطلبها موب طبيبعيه .. يوسف موب مصدق عمره وكان يسويهم وهو مبسوط وايد .. وغرور حاسه نفسها مستحيه وايد لكنها متقدر تقول لها لا وتدخل مع يوسف بمعارك استفزازيه بليله زواجهم .. وهم يصورون طلبت المصوره من يوسف انه يبوسها .. غرور نقلب ويهــه ويلست تدعي عن المصوره بخاطرها ..

يوسف: وين

المصوره وهي تاشر على الخد

غرور ارتبكت اكثر واستحت : لا ... امم اقصد بالجبين ولا بالرأس افضل .

المصوره توها بترد قاطعها يوسف: انا اقول نجرب الصورتين وبعدها نحكم ..

(( غمز لها ))
استحت غرور نزلت راسها ..

المصوره: اوكي

غرور: لو سمحتي اجلي هالصوره لبعدين

يوسف بخبث: مردج لــي

غرور تقول في خاطرها شنو هالورطه ..

انتهت الحفله ..

ولقت اصبحتِ سجينه قلبي ورفيقة مشواري ولحن كلماتي

ركبت السياره وهي تسمح دموعها الى سقطت غصباً عنها دموع الفــرح , سكر يوسف باب السياره وركب بلجهه الثانيه .

يا فرحت حياتي ولذة كلماتي يا اروع الخلقاتي ونسيم الذكرياتي وانعم الكائناتي ..بماذا اصفك يا غرور ؟ اخيراً اصبحتِ ملكتي لي انا حياتك ِ حياتي خطواتنا واحده لناء مستقبل واحد .. ليتني استطيع ان اعبر عن فرحتي بالكلماتي ولكنني عاجر في هذه اللحظه.

مسك يدها وضغط عليها بقوه ابتسمت غرور سحبت يدها بهدوء ..
ضحك يوسف من غير شعور . وغرور تقول في خاطرها فديت هالضحكه الله لا يحرمني منك يا يوسف .

(( بيت ابو ناصر ))بالتحديد غرفة شوق
اغمضت عينيها بصعوبه وكانها تحاول ان تغصب نفسها على النوم صوره حمد موب مفارقه خيالها .. صج وسيم ولطيف وعنده شخصية قويه بعد, سالت نفسها ؟ معقوله يا شوق حبيتيه؟ موب مهم احبه المهم اهو يحبني ولا لا بعد الى جافه وسمعه بالمزرعة ..
يا رب والله انا عقلت ورزنت يا رب لا تحرمني من الانسان الوحيد الى حبيته صج من قلبي

مره وحده اكستفت ان حبها لفهد طيش وان فهد كان مجرد تسليه وتضيع وقت في حياتها

(( بيت بو غرور )) بالتحديد غرفة غرور

دخل غرفتها تأمل كل زاوية منها سريرها مكتبها صورها العابها .ما نقدر نوصف احساس الابوه احساس بو غرور بهذه اللحظه ان بنته وحيدته حبيبته كل حياته تزوجت .. من بقى له بهذه الدنيا

دخلت بهدوء وهي تلم شعرها سناء: الساعه 2 ونص ما بتنام

ابو غرور: بنام بعد ما اصلي الفجر , رقدي انتي

سناء: لا بيلس اسولف معاك .. اذا ما عندك مانع

ابو غرور: اكيد ما عندي مانع .. بس شنو بنقول؟

سناء: امم وحشتك غرور صح؟

ابو غرور: غرور كل دنيتي غرور الضحكة الا ضحكها واخذها ريال ثاني عني , غرور غاليه كفايه انها بنت الغالية .

سناء حست بالقهر والغيره وتغير مزاجها فجأه من نبره صوتها: الله يسعدها ويوفقها.

طلعت من الغرفة وابو غرور ما زال بتصفج اوراق ذكرياته مع بنته الوحيدة وزوجته الله يرحمها .

يا وردة حياتي وضياء مشواري
يا دقة قلبي ومصباح دربي.

يوسف: تفضلي يا ست الحسن والجمال.

رفعت غرور الفستان ودخلت الغرفة رفعت راسها وابتمست حاسه بخجل غير طبيعي .

يوسف: ها شرايج بالغرفه عيبتج؟

غرور: حلوه

يوسف نبره رومانسيه: انتي احلى

نزلت راسها ويلست تلعب باظافرها, يوسف الا حس برتباك غرور وكان جان عليها صج قمر مسك يدها وقربها شويه منه : ههه شفيج مستحيه ؟ تستحين مني غرور؟

استحت اكثر حست نفسها بتنفجر رفعت رأسها وقالت بكبرياء: لا مستحيل طبعاً

ناظرها نظرات اعجاب وحب , ذابت غرور بعيونه الى تحمل كل المعاني

غرور: امم شفيك تطالعني جيه؟؟

يوسف: غرور انا احبج والله احبج , وان شاء الله الله يقدرني وسعدج

ابتسمت غرور وقالت بحياء: وانا بعد

يوسف: انتي شنو ؟؟ (( تنهد وقال: تحبيني غرور ؟

غرور: لا تسوي روحك ما تدري

يوسف: ادري والله ادري لكني امبي اعيش كل لحظه معاج وانا اسمعها . هالكلمه الا كانت تراودني بحلمي والا كنت اكابر بالاعتراف فيها .. غرور انـــت ِ مــ ــلاك قلبي

غرور ودموعها تنزل: يوسف من قلبك هالكلام ؟

يوسف: يا ليت قلبي يتكلم لكن حتى الصمت له رحمه

غرور: الله يهنيني فيك .. ويخليك لي .

يوسف: وتعالي قولي لي دموع شنو هذه ..

غرور: دموع الفرح . موب مصدقه ان بــ ع ــد المعاناه والانتظار ..

يوسف: لا تكملين يا حبيبتي اريدج تنسين كل الى صار بالاشهر الى طافت ونعيش ايام جديد كلها حب ورمانسيه طول ما انتي جنبي

غرور وهي تسمح دموعها: انت وايد رومانسي

يوسف: حبج هو الى علمني الرومانسيه غرور اوعديني انج تبقين معايه على طول بجنة حبنا.

غرور: وانت صــ ــرت كل حياتي وامنياتي بهذه الدنيا يا يوسف ..

مشرفه استرآحه الاعضآء

اكملـــي
^^

إدآريــــه

الفصل السادس عشر

بعد اسبوعين

د: مايدمتصل بسيف

سيف: مايد انت شنو تقول؟؟

مايد: اقول لك الى صار غرور الا ضحيت بسمر علشانها تزوجت يوسف وكل هذا وتقول لي انها تحبــك

سيف: بس خلاص لا تكمل ان متأكد انهم ما بيستمرون مع بعض ..

مايد: حضرتك واثق؟؟

سيف: ايه طول ما انا موجود.

مايد: يا سيف اعقل واترك عنك هالخرابيط واترك عنك حياة يوسف وغرور وفكر بحياتك"

تنهد وقال: فكر بسمر الجوهرة

سيف ولا كانه يسمع : مستحيل انا راد البحرين .

. .

.

بيت بو ناصر
(( جناح يوسف وغرور ))

سمر: يا حلوج يا غرور , مستانسة ؟؟

غرور: وايد وايد احلى شي بالحياه الحب والاستقرار

سمر: يا عيني على الرومانسية

غرور: تدرين سمر ..

سمر: شو؟

غرور: انا اكتشفت اشياء وايد في الفتره الاخيره

سمر: واهمها؟؟

غرور: ان حياتي من غير يوسف ما لها طعم.

سمر بنبره رومانسيه : لهذه الدرجه تحبينه؟ عيل وين راح كلامج (( وهي تقلد على لهجة غرور اكرهه يقهرني ينرفزني ..

غرور بنبره مرح : هههه انت شنو عرفج بالحب ؟؟ يا حبيبتي يقولون ان الكراهيه هي الغه الثانيه للحب .

سرحت سمر: انا اكثر وحده اعرف للحب وعشت بالحب وغرفت بالحب ومت بالحب..

غرور تأثرت وخصوصاً انها كانت تعرف ان سمر تقصد سيف: اَسفة يا قلبي ما كان قصدي

سمر: ولا يهمج..

ابتسمت وكانها تريد ان تخفي احزانها .. ردت عليها غرور ببتسامة امل وتفاؤل ..

دخل يوسف الشقة .

يوسف بمرح: بل بل كل هذا حــش فيني ؟؟

سمر بمرح: بالخير طبعاً..

جلس جنب غرور وحط يده وراء ظهرها وهالحركة وايد قربتهم من بعض رغم ان المكان واسع , حست غرور بخجل وخصوصاً بوجود سمر , غرور كانت قمر عليها جلابية بحريه روعة ومكياجها هادىء حاطته لها سمر ولامه جزء من شعرها.

يوسف: عسى ما اشتكت عليه؟

توها بتتكلم سمر قاطعتها غرور بنبره دلع : امبلا شكيت .

يوسف بويهه بريء طفولي وجنون: افا يا قلبي انا شنو سويت ؟؟

غرور وهي تصطنع الجديه: كله تعاند وما تسمع الكلام ..

وسمر ناقعة عليهم من الضحك :والله انكم نكته للحين هذا انتو ما تغيرتو وانا اقول لحمد احتمال الزواج يعقلهم ويغيرهم .

غرور: هههه احتمال موب اكيد..

يوسف: وليه نتغير انا عاجبني هالحال كل الى يهمني غرور حبيبة قلبي جدامي واسوي الا ابيه فيها اطفشها اعاندها اعاكسها ..

غرور حاسه نفسها تذوب موب قادره: يوسف حدك عاد..

يوسف وهو ياشر بيده الثانيه على غرور: سمعتيها واهي تقول اسمي بلبل يغرد.

غرور خلاص انتهت : يوســ ــف

يوسف: قلبه

سمر: هههه كأني اطالع فلم هندي يلا انا ماشية .

غرور: ما عليج من كلامه توه الناس

سمر: اظاهر انج نسيتي انه للحين ما عندنا شغالة يعني شغل الشقة كله على راسي..

غرور: الله يعينج حبيبتي

قامت توصل سمر للباب وهم يسولفون سوالفهن ما تخلص ..
تنهد يوسف اجت غرور وهي متخصره ومعصبه اشويه .

غرور: يوسف شفيك حرجتني حدام سمر بكلامك هذا؟

يوسف ببرود: شفيه كلامي في ذمتك موب حلو (( غمز لها ))

غرور بنبره عناد: لا

يوسف وكانه يريد يستفزها وسووه نفسه زعلان: عيل ما بقول لج دام هالكلام يضايقج ..

قام ودخل الغرفة , حست غرور انه زعلان
اووه شنو هالورطه بعد شكله زعلان والحين لازم اراضيه موب زوحي وله حق عليه.

دخلت الغرفه بهدووء وابتسمت , يوسف فسخ جاكيته

يوسف: من نظره عيونج تقول ان عندج شي .

غرور وهي تقرب منه واتسامتها الروعه: انت الوحيد الى تفهمني , امبي اتكلم معاك واقول لك الكلام الا كان ودي من زمان اقوله لك..

يوسف: اسمعج ..

تنهدت ويلست: باختصار يوسف انت حياتي كلماتك هذه الحن الى يريحني ووجودك جنبي بعد ما ابتعدت على ابويه وامي يحسسني ان الحياة ما زالت حلوة ووقت الا تزعل علي احس ان الحياه كلها زعلانه ..طلبتك يوسف علشان خاطريه لا تزعل

يوسف بنبره رومانسيه: تحبيبتي شكثر؟؟

غرور: احبك كبر هالكون كله وحياتي ما تسوى شي بلياك ..

مسك يدها وقربها من قلبه ومسح على شعرها بنعومة وحنان وقربها وطبع بوسة على جبينها ..

يوسف: هالكلام تواضع منج يا ملكتي احبج غرور وايد وايد يا ليتني اقدر اوقف واصرخ لدنيا كلها واقول لهم ان هالانسانة الجميلة حبيبة قلبي وعمري كله وحياتي كلها.

غمز لها وقال : موب بس لسمر

غرور وهي تلعب بصابعه: يوسف والله استحي ..

يوسف: فديت الا يستحون انا..

ضغطت غرور اكثر على يده وقالت: الله يخليك لي

يوسف: ويخليج لي يا اغلى انسانــه

. .

.

طلعت من شقة غرور وهي تضحك نزلت جافت شوق وناصر وام ناصر يالسين ..

سمر: يا الله مع السلامة

ناصر: سمر شلونج..

انتبهت سمر له : هلا ناصر شلونك؟؟

تصرفات سمر جداً عفويه معاه

ام ناصر: يلسي يمه تعشي معانه..

سمر: مشكوره خالتيه مره ثانيه حمد ينطرني بالبيت

دقات قلب شوق تتسارع من سمعت اسم حمد.

شوق: دقي عليه وقولي له يجي ..

سمر: لا يا جماعة مشكورين مره ثانيه ان شاء الله.

ناصر بنبره دلع : بس خلاص تركوها اظاهر انها ما تمبانه ..

استغربت سمر من طريقته ولكن في خاطرها نبسطت ما تدري ليش؟

سمر: لا والله موب قصدي خلاص وعد مره ثانيه اجي انا وحمد.

ام ناصر: على راحتج يا يمــه

طلعت سمر ..

ناصر: وانا بعد بروح داري

ام ناصر: ما بتتعشى؟؟

ناصر: شبعان

ركب .. شوق توها بتتكلم قاطعتها ام ناصر

ام ناصر: لا تقولين لي انج ما تمبين ترى ما في غيري وغيرج

. .

.

دخل غرفته سكر الباب غمض عيونه حاول يتذكر ذكرياته مع نوال حبيبته الى عقدته من الحب .. وشلون انتهت علاقتهم

ناصر: معقوله

نوال: وليه موب معقوله ؟؟

ناصر: موب مصدق انج نوال الانسانة الى حبيتها

نوال: علشان قلت لك اني ما احبك واني مغصوبه عليك

ناصر: بس خلاص كفايا انا شنو سويت لج؟؟

نوال: حرمتني من الانسان الوحيد الى حبيته وقت الا تقدمت لي قارنوني اهلي بينك وبينه واختاروك انت علشان لفلوس

ناصر بعصبيه: وشلون وافقتي دامج تحبيه كل هالحب؟؟

نوال: علشان ابويه وعلشان الدين الى عليه عند ابوك وبعد ما خلص الدين المفروض انها تنهي علاقتنه ..

فسخت الدبله وحطتها على الطاولة وطلعت ..

عقدتني في حياتي ومن حياتي عانيت ..
يا دنيا شنو اداري ومع حبيبة قلبي بكيت ..

. .

.

دخلت سمر الشقة لقت حمد يالس مقابل شاشه الكمبيوتر ..

سمر: السلام

حمد: عليكم السلام .

سمر: تعشيت ؟

حمد: لا انطرج"

سمر: اشوه لاني عفت طباخ خالتيه ام ناصر علشانك .. علشان تعشى معاك

حمد: تسلمين والله .. الى ما قلتي لي شــو ... (( كان على وشك لفظ اسم شوق )) اممم اقصد غرور شلونها ؟؟

سمر : شوق؟؟

حمد: انا اقصد غرور غرور شلونها؟؟

سمر: اممم تقصد غرور غرور زينة وتسلم عليك وايد وشوق بعد زينة

حمد ارتبك قال بتردد: منو جاب سيرة شوق؟؟

غمزت له نظرة له نظرة خبت ودخلت الغرفة

حمد يقول في خاطره : شنو تقصد هذه
وتبعها للغرفة

حمد بنبرة اصرار: شوق شنو الا دخلها بالموضوع وشنو تقصدين بنظراتج هذه ؟؟

شوق وهي تصطنع البراءه :ولا شي ما لها دخل ..

ناظرها نظرات غريبة ومشى عنها..

سمر تقول في خاطرها عبالك موب ملاحظين كلنه اهتمامك واعجابك بشووق؟؟؟ تابع

إدآريــــه

الفصل الثامن عشر

بعد اسبوعين .
بعد ان وضعت اللمسات الاخيره في شعرها خرجت من الغرفه

غرور تنادي: يوسف يوســــ ــف

موب موجود بالصاله اكيد بالمكتب دخلت المكتب لقته يقرأ كتاب وماسك بيده الزقاره يدخن .. تعكر مزاجها وتغيرت ملامحها

ويوسف وقت الا حس فيها طفىء الزقاره وحاول يبرر موقفه كانه الطفل الصغير .

يوسف: غــ رور انا

غرور: انت ما تيوز

طلعت وهي معصبه , تنهد يوسف وبعد قليل طلع لها لقاها يالسبه تعدل اغراض الجامعة .

يوسف وهي يتسند وراء الجدار: موب ملاحظه انه على اقل شي نختلف

ناظرته ونزلت عينها كملت شغلها

يوسف ما عرف شنو يسوي نبره صوته نبره ارتباك وقلق اهو ما يحب يجوف غرور زعلانه عليه

يوسف: زعلانه ليه؟؟

تنهد غرور وقالت بجديه: لاني خايفه عليك

دار رأسه وكانه يود الهروب: انا موب ياهل واعرف مصلحتي زين

غرور بنبره سخريه: واضح

يوسف: لا تتمسخرين من فضلج تراني اتكلم جد

غرور : وانا بعد اتكلم جد

يوسف: موب باين

غرور: موب باين لاني ساكته عن حركاتك .

يوسف: حركات شنو؟

غرور: كل الوعودات الا وعدتني اياهم قبل الزواج تبخرو؟؟

يوسف: من الا قال انا للحين عند كلمتي

غرور: موب انت وعدتني انك ما تدخن؟

يوسف بتردد : ايه لكني ما قدرت

غرور: لا تقول هالكلام الى ما يدش العقل انت ما كنت ادخن وقبل ما نتزوج بفترة قدرت تتركه شنو الا تغير الحين؟

يوسف: يمكن ضغوطات العمل وطيش شباب

غرور ومن نظرة عينها الشك: بس

يوسف: ايه (( ونتظراته تتوزع على الصالة كلها ))

غرور: لا موب هذا السبب هالكلام ممكن اني اصدقه من اي انسان الا منك انت

يوسف وكأنه يود انتهاء الموضوع: كل هذا علشان الزقاره خلاص يا عمري بتركها ولا تزعلين كم غرور عندي انا ؟؟

غرور بدلع : لا موب بس علشان جيه؟

يوسف وهي ييلس جنبها ويحط يده على كتفها ويقول بنبرة حنان : عيل شنو؟؟

غرور بنبره تردد: حاسه انك ما تحبني

يوسف ضحك من خاطره .. وضحكته تزداد وتزداد ..

غرور مقهوره مسكت كتبها وتوها بتقوم قربها يوسف منه : انا ما عندي اغلى منج بهذه الدنيا ممكن انج تشكين بكل شي الا بحبي لج

غرور وكانها ياهل : ايه اضحك عليه بهذا الكلام الحلو وانا على طول اصدقك

يوسف: كل هالكلام علشان بس ما قلت لج شفيني؟؟

غرور: حرام يعني اشاركك همك موب زوجي؟

يوسف وهو يلعب بيدها الناعمه الرقيقه رفع عينه ويلس يناظرها نظرات عشق: لا موب حرام لكني ما امبي انكد عليج وخصوصاً انج هالسنه اَخر سنه

غرور: انت اهم عندي من كل شي ليه موب راضي تفهم

يوسف: لاني احبج

غرور: وغلاة خالتيه عندك يوسف قول لي شفيك

تنهد يوسف وقال: سيف

غرور بنبره عجب: شفيه؟؟

يوسف: رد البحرين

غرور~: وشنو يعني احنه اصلاً كنه متوقعين ردته

يوسف : يا ليت بس جيه صار له يومين يتصل فيني ويقول كلام فارغ

غرور : مثل شنو؟؟

عصب يوسف: قلت لج كلام فارغ

غرور: وهذا الا معكر مزاجك

يوسف: انا ما امبي احد ياذيج بأي طريقه الا يرشج بالماي ارشه بالنار

ابتسمت غرور وقالت: فديتك الله يخليك لي وانا موب خايفه طول ما انت معايه

طبع يوسف بوسه على جبينها وقال : احبج ومستعد احارب الدنيا كلها علشانج""

استحت غرور : وانا بعد ..

لكنها رفعت رأسها وقالت: لكن اهو شنو بسوي مثلاً؟

يوسف : ولا شي .. الحين حبيبتي قومي بوصلج الجامعة

غرور وهي تحاول تخفي قلقها وارتباكها من هالموضوع: يا بختي يوسف بكبره اهو الا بوصلني

يوسف: ههه اراضيج شنو اسوي ما اقدر على زعلج

غرور: وانا ما اقدر ازعل عليك , ازعل على الدنيا كلها ولا زاعل عليك

يوسف: فديتج والله يا الغالية ..

في المطعم ...

سناء: يوسف وايد وايد وسيم

سيف: واحسن من هالشيبه الا ماخدته صج اهو عمي لكن الحق ينقال

سناء وكأنها تنكر كلامه: لا انت في بالك شي ثاني

سيف: انا في بالي هدف وانتي في بالج هدف موب عيب لو ساعدتيني ولا تنسن ان انا الا ساعدتج على انج تتزوجين عمي بو غرور وفضايحج كلها عندي

سناء: تهددني يعني

سيف: لا ما اهددج في احد يهدد صديقته .. بس يغيتج بطلب

سناء: شنو اَمر تدلل

سيف: ما تقصرين والله يا سنوي

سناء: يلا عاد قول شنو تبي

سيف: عيل سمعيني زين اهم عده خطوات علشان نهدم العلاقه الى بين الجميع موب غرور ويوسف بس

سناء: والمطلوب

سيف: ننفذهم اقصد نجربهم وما نيئس للوقت الا نفاججهم ونهدم علاقتهم مع بعض وهذا اهو هدفنا .

سناء وهي تأشر على بطنها : بس تعتقد اقدر اسويهم وانا بهذا الشكل ؟

سيف: ليه كم شهر لج؟؟

سناء: 5

سيف: موب مشكلة المهم الحين تسمعيني

دنيتي عشق وغرام
وقلبي طاير مثل طير الحمام
ونبضه وقف وقال لي سلام
يا حلاته وحلات الحب والوئام
وجنوني يوم جفته فز قلبي وضاع كل الهيام ..

بعد مرور اربعة ايام ..

غرور : والله خوش فكرة

سمر: موب فكرتي هذه فكرة حمد

غرور: غريبه حمد يقترح العاده ما يوافق على الشي الا بعد ما تينه بلاعيمنه انا وانتي

سمر: هههه اظاهر انه حن لايام وطلعات قبل

غرور : كلنه موب بس اهو ..

سمر: الطلعات العائليه ما في عليها صج وناسة

غرور: ايه والله عاد احنه وين بنروح مطعم .

رن موبايل غرور ومن النغمه تقول انه يوسف ..

غرور: هلا حبيبي هلا بالغالي

يوسف: هههههه من وين طالعه الشمس اليوم غرور تقول لي كلام حلو من غير ما اتحايل عليها شنو هالتواضع فديتج

غرور: ههه طالعه من الشرق وبعد ليش مستغرب موب زوجي

يوسف: ايه ايه عساه دوم هالكلام الحلو كثري منه

غرور: هههه اوكي الا ما قلت لي شنو تريد..

يوسف: اريد اسمع صوتج وحشتيني هالجامعة ما تخلينه نيلس مع بعض كفايه

غرور: ما عليه حبيبي هانت هذه اَخر سنه وبعدين مالك غيري لاصقة فيك ومعاك معاك العمر كله

يوسف: يا حلوها هالكلمة وعمري كله فداااج

غرور: تسلم حبيبي .. اقول يوسف

يوسف: قولي يا عيونه

غرور: دق عليك حمد

يوسف: ايه عيل ليه انا متصل فيج

غرور: يعني موافق على الطلعه

يوسف: ايه وانا اقدر ارفض لج طلب عيوني لج

غرور : واااو يا بعد عمري .. امم قلت لناصر وشوق

يوسف: لا بعدج بدق عليهم

غرور: اهااا

يوسف: انزين حياتي متى بتين البيت

غرور: باقي لي محاضره وحده بعد ما تخلص برد

يوسف: اها لاني بطلع مع ربعي

غرور: اوكي حبيبي اطلع استانس عليك بالعافيه

يوسف: فديتج والله يحسدوني الناس عليج

غرور: شدعووه انا كل الا يهمني راحتك وسعادتك

يوسف بنبره رومانسيه : يا بعد عمري

غرور: انزين يوسف ما بقى شي وتبدأ محاضرتي بعد ما اخلص اكلمك

يوسف: انزين عمري ديري بالج على عمرج

غرور: وانت بعد

سمر: يا عيني ساعه وانتو تتغازلون ببعض

غرور بنبره مرح: صلي على النبي لا تحسدينه

سمر: هههه الله يهنيج اصلاً انا سعادتي من سعادتج

غرور: يا بعد عمري تسلمين

سمر: تعالي احنه لو بنيلس نسولف ما بنخلص وبتطوفنه المحاضره يلا قومي ..

(( سيف))

سيف يكلم مايد رفيجه بالتلفون.

مايد: اسمح لي يا سيف

سيف: على شنو انا كل مره اكلمك فيها تقول لي اسمح لي ليش شنو صاير؟

مايد: اممم انا اليوم بالبيت شرايك تمرني

سيف: لا خلنه نتعشى ليله بالمطعم ومنها نغير جو

مايد : ياي من لندن وللحين ما غيرت جوو

سيف: هالسفره كلها تفكير ليله بقول لك وبنكمل كلامنا

مايد: على خير ان شاء الله بس تعال بنتعشى بمطعم شنو؟؟

وبعد ما انتفقو على كل شي ..

(( شوق ))

طق طق

شوق: تفضل

دخلت غرور: مساء الورد

شوق: وينج انتيه من الصبح

إدآريــــه

غرور: مع سمر طلعنه من الجامعه وبعدها رحت معاها البيت

شوق: ملل فراغ من غيرج

غرور وهي تيلس وتتربع: ليه شنو عندج؟؟

شوق: الصراحه متحيره شنو البس ليله

غرور: انتي شنو تمبين تلبسين بانطلون؟؟

شوق: انتي شرايج؟؟

غرور: تنوره احلى

شوق: عيل بطلع لج اَخر تنوره شريتها وقولي لي شرايج فيها

غرور: اوكي

طلعتهم شوق وتناقشو على الباس وكل شي ..

غرور بنبره ونظره خبث: اقول شوق

شوق: نعم

غرور: موب من عوايدج تهتمين بلباسج وايد بالطلعات الا تطلعينها معانه

نحرجت شوق: شنو تقصدين ؟؟

غرور: ابد سلامتج انا بروح اجهز نفسي وارتاح

غرور: اوكي اجوفج بعدين

شوق: ان شاء الله

المساء
(( حمد))
حمد يالس على الكتبه وفاتح الابتوب وبالتحديد المسنجر يسولف مع دانة وحده تعرف عليها بالصدفه عن طريق المسنجر . دانة بنت مثقفه افكارها متحرره عمرها 20 سنه وحمد يرتاح لها وايد

دانه باسلوب دلع: هاي حمد

حمد: عليكم السلام .. الف مره قلت لج ما احب كلمه هاي هذه

دانه: ههه سوري كيفك مشتاقه لك حيل

حمد: بخير شلون مشتاقة لي وانا توني مكلمك البارحه

ومضت اكثر من نص ساعه واهم يسولفون رن موبايله ..

حمد: الو هلا هلا

غرور: هلا فيك وينكم انتو؟

حمد: بالبيت

غروربعصبيه: للحين بالبيت؟؟

حمد: شفيج مستعجبه بدري

غرور بعصبيه: يا برودكم الشوارع زحمــه

حمد ببرود: هههه انتي ليه معصبه؟

لاني اولاً عيزت وانا ادق على سمر هانم وما ترد مدري ليه وثانياً برودك هذا ينرفزني

غرور: وحتى وانتي متزوجه يا غرور تحركينه

غرور تبتسم : موب اخواني

حمد: بس عيل يا اختي لا تعصبين الحين احنه بنطلع

غرور: طيب

من جهه ثانيه غرور ويوسف بالغرفه

يوسف: غرور حبيبتي شفيج

غرور: ما فيني شي ليه؟؟

يوسف: صايره وايد عصبيه ومزاجج غالبياً متعكر هاليومين

غرور : ما ادري حبيبي بس يمكن سيفوه السبب

يوسف: لا تخلينه يأثر على سعادتنه مع بعض تراج كل حياتي

غرور وهي شوي وتصيح : شلون ما يأثر عليه وسمر الا للحين ما تدري انه رد

غمز لها وقال: سمر في من يحبها ويخاف عليها

غرور: تقصد حمد؟

يوسف: حمد اخوها وشي طبيعي انه يحبها ويخاف عليها

غرور : امم عيل من؟؟

يوسف ببتسامه عريضه: ناصر

ابتسمت غرور بخبث وقالت: ناصر شلون؟

يوسف: ناصر تغير كلياً وكل هذا علشان عيون سمر

غرور: تعتقد؟؟

يوسف: ايه ناصر يذكرني بنفسي قبل ولا نسيتي قصه حبنا

غرور: ههه لا ما نسيت بس افهم من كلامك انك الحين ما تحبني؟

يوسف: الا اموت فيج

غرور: لا تيب سيرة الموت

يوسف: تخافين عليه

غرور عصبت: يوسف ما احب الكلام بهذا الموضوع

يوسف: لازم بيي يوم ونموت فيه

غرور: ايه لكــن

يوسف وهو يوضع اصبعه على فمها : احنه بنموت مع بعض لانه جسدين بروح وحده

غرور وهي تبجي: يوسف

يوسف بنبره رومانسيه : عيونه وقلبه وحياته

غرور: احبك.

يوسف: وانا مجنون فيج .. جيه زين ..؟؟

ضحكت وقالت: ايه ..

لا تسألوني...

لا تسألوني عن قلبي تراه خلاص ما صار ملكي قولوله يرده لي ..

انتهى البارت ..

*****

يسلمووو

روآيــــة غرور يوســــف .. - صفحة 2 351549032

إدآريــــه

الفصل التاسع عشر
وما زال هذا النبات يكبر ويكبر غريبه هذه الحياه لا نعرف ما هو مصيرنا ومستقبلنا القريب ان عرفنا بدايتنا ننتظر تلك النهايه التي لا تنتهي وان عشنا سوياً تقاسمنا الاحزان والبهجه لنعيش حياه الطير المهاجر

غرور ابتسامة بلا عنوان تسعى لنهايه المشوار
يوسف فيلسوف الحب لصغار والكبار
سمر دمعة الاحباب ورحيق الازهار
حمد لسان عذب ونظرات افتخار
ناصر مشوار مبتدأ وعشق البحار
شوق تصرفات طفله وبلسم الانتظار
سيف تهديدات عديده وبدور الاستحقار

___
ام ناصر : الحين بنزلون
ناصر وهو يوجهه كلامه لشوق : اقول شكلهم ما بينزلون شرايج نروح بسيارتي

شوق : ما عليه خلينه خلينه نسنتنى اشويه اذا ما نزلو بعد 5 دقائق بركب لهم

يلس ناصر جنب امه وابتسم ابتسامه: لهذه الدرجه الزواج حلو ؟

ام ناصر: اكيد يا يمه الزواج استقرار وراحه

ناصر: موب دائماً

ام ناصر: دام الريال كويس والبنت كويسه شنو الا يمنع من نجاح الزواج

شوق بنظره ونبره خبث: شكله الحبيب يفكر بالزواج

ناصر: وانتي شنو عليج

شوق: خاطري اعرف متى بتعاملني باحترام

ناصر: وقت الا تتكلمين بحترام

شوق بعصبيه: ناصر لا تعكر مزاجي

ناصر: والله وهالمزاج عاد

شوق: يمه جوفي ولدج وعمايله ولا تمبين تزوجينه بعد منو المنحوسه الا بترضى فيه وتتحمله؟

ناصر وهو يقلد لهجتها: منو بيتحمله هذا تتحملي شيخه البنات وحبيبة القلب

ام ناصر: يعني يا يمه ناوي

ناصر: البنت للحين ظروفها ما تسمح

ام ناصر: ومتى بتسمح؟

ناصر: مدري بس ادعي لي يا يمه

ام ناصر: يا رب الله يبلغني فيك وفي اختك وفي عيال يوسف

نزلو غرور ويوسف

يوسف: وانا كل ما انزل القاكم تحشون فيني ما عندكم غيري

ام ناصر: لا يا يمه بس كنت اقول الله يبلغني واجوف ولدك ولا بنتك معرسين

يوسف: الله يخليك ويطول عمرك وتجوفينه اول

غمز لغرور وغرور ماتت من الحيا والجخل

شوق: ليه غرور حامل؟

يوسف ضحك وغرور منقهره

غرور: شنو حامل الله يهداج انتي بعدي

ام ناصر: واي يا ليت كل الا اتمناه اجوف ولدكم ولا بنتكم يركضون ويملون علينه البيت مثل ايام زمان وانتو صغار يا حليلكم والله

ويلست ام ناصر تسولف وتوصف وغرور بعالم ثاني تمنت انها تكون حامل تيب ولد يشبهه يوسف ولا ابوها تخيلت انها ام شلون بتكون حياتها تخيلت احساس الامومه الا محد يقدر الوصول اليه

ابتمست غرور من غير شعور زخ يوسف يدها وهمس: يا ليت

ضربته غرور وسوت نفسها موب مهتمه ووقت الا تلاقت عينها بعينه نقعو من الضحك

ناصر: يمه الله يهداج قلتي لنا قصه حياتج الله يطول لنا بعمرج يلا تأخرنا , وانتو شفيكم تضحكون

يوسف: لا ابد يلا مشينا

في المطعم

د: مايد: سيف الله يهداك وينك طولت

سيف وهو يوقف سيارته: ياي

مايد: الله يهداك موب منتظم بمواعيدك

سيف: اجل المحاضره الحين كاني الحين بنزل من السيارة

سكر الموبايل ويلس يطالع الناس المويودين بالمطعم هذا حمد وسمر سمر البنت الا ملامحها محفوره بقلبه لكنه مضطر يدوس على قلبه علشان الصداقه الا بينه وبين سيف يا زعم دخل سيف وهو بكامل اناقته ووسامته ويلس جنب مايد

سيف: هيه شفيك سرحان الا يجوفك جيه ما يقول هذا مايد الا مزلزلني بالمكامات

مايد: جوف من على الطاوله الا اهناك

دار سيف وبدل ما يوقع نظره على سمر وقع نظره على غرور لا توها يايه وماسكه يد يوسف حس بالغيره حس ببراكين داخله تتفجر

سيف: هذوله شنو يسون اهني
يوسف وغرور وسمر شنو الا جمعهم مع بعض (( قالها بعصبيه

مايد: سيف الله يهداك شفيك شنو هالحقد كله

سيف: اظاهر هذا اهو الوقت الا اظهر لهم فيه وواجهم

مايد: سيف اعقل يا ريال احنه موب بساحه حرب

قام سيف متوجهه لطاوله الا اهم فيها

سمر: انت المفروض الا تسكت ولا كلمه

حمد: الا يجوفها جيه يقول عندها شي

سمر: لا والله ودانه يا عيون دانه ومحادثاتك معاها ليل ونهار انت للاسف اخويه وما اقدر افضحك

مسكين حمد ما عرف شنو يقول

ناصر: ما اصدق حمد راعي هالسوالف

مسكين حمد اكلوه ونقلبت السالفه الا ضحك وطنازه

حمد: قلت لكم زي اختي

يوسف: معناته تكلمها

اهني شوق ازدادت دقات قلبها حمد لا لا مستحيل ما اصدق وقطع عليهم تفكيرهم هذا سيف وهو يقرب منهم شنهو هالصدفه

تفتحت الجروح بلحظه رؤيته صمت الجميع وكانهم رأؤ شيئاً غريب

سيف ببتسامه ماكره: السلام عليكم

ردو السلام كلهم بهدوء ما عدل سمر الا منزله راسها

سيف: ما عليه ايلس معاكم والله ثم والله انكم واحشيني

دار لسمر وقال: شلونج يا الغاليه ما وحشتج؟

اهنيه وقفت سمر ووجهت اليه نظره احتقار وخلف هذه النظره مئات الدموع

تنهدت وقالت: يا الله حمد ما امبي ايلس مع ناس ما احبهم

طلعت من غير ما تسمع جواب حمد حمد وهو مار جنبه

حمد: بكون بينه اتصال علشان ننهي موضوعك مع سمر

اهني ضحك سيف ضحكه استهزائيه ناصر ما قدر ييود اعصابه ويستحمل حركات سيف التافهه قام وطقه ويوسف يحاول يفاككهم وشوق تصارخ وغرور موب عارفه شنو تسوي وقفت جامده تطيح دموعها من غير شعور مسكت بطنها تحس بالم

طلعو من المطعم بصعوبه

يوسف: يا الله علشان نروح المستشفى

ناصر: انا ما فيني شي

يوسف: ناصر لا تعاند

ناصر: انا موب ياهل يا الله ودنا البيت انا ريال وما ينخاف عليه

يوسف بنفاذ صبر: براحتك

ناصر: يود علشان انت الا تسوق

ركبو السياره والصمت سيد الموقف غرور الا حاسه نفسها بتتفجر وشوق الا مضايقه وايد وناصر الا زعلان على سمر وعلى الا صار وما يدري شنو الا بيه ويوسف قلق من الايام الا يايه

من جهه ثانيه سيارة حمد...
حمد يحاول يقطع الصمت وسمر نظراتها جدام وعيونها تدمع حس حمد ان اخته صج صج متأثره تحير يفتح معاها الموضوع ولا لا

حمد بتردد: سمـــــ ــ

سمر بنبره ترجي : بليز حمد اجل اي كلام بتقوله لبعدين

حمد: براحتج يا الغاليه

كانت تمر هذه الدقائق ببطى على ابطال قصتنا

غرور: اَخ

دارت لها شوق وقالت: شفيج؟

غرور: ابد حاسه نفسي دايخه

شوق: دايخه

غرور: معايه من الصبح اظاهر اني صج مريضه وانا مدري

شوق: عيل لازم تروحين لطبيب

غرور : موب الحين بعد ما نخلص من سيف

شوق: طيب روحي غرفتج ارتاحي

غرور: لا بنظر يوسف يطلع من غرفه ناصر وبروح معاه

من جهه ثانيه غرفه ناصر

ناصر: يوسف لا تصطنع البرود

يوسف: انا صج اتكلم

ناصر: صج تتكلم تقول لي تركه عنك يوسف انت شنو ناوي عليه

يوسف: ناوي اتركه يلعب باعصابه بدل ما يعلعب باعصابنه

ناصر: وبعدين

يوسف: بييئس

ناصر: وسمر ما فكرت فيها

يوسف: شفيها سمر

ناصر: محتاجه لريال يخلصها منه

يوسف: في البلد قانون واحنه كلنه حواليها

ناصر: بس اهي تتعذب بسببه

يوسف: كلنه نتعذب بسببه لكن بصمت .. يلا تصبح على خير

ناصر: على وين؟

يوسف: طالع لزوجتي الا تاركها ومجابلك

ناصر: عذبتك معايه يا اخويه

يوسف: دائماً موب اول مره ههه

ابتسم ناصر وقال: والله لك بالة ضحك

يوسف: يقول المثل اضحك لدنيا تضحك لك

ناصر : يعني ممكن نلقى تجاوب؟

يوسف: ممكن انت بنفسك قلت ممكن يلا ليله سعيده

يوسف يا بلسم الجروح رغم انه اكثر واحد متأثر ومتضرر بظهور سيف الا انه دائماً متفائل ببكرى يكون كله حب
ناصر الا حاس بالم بجسمه بسبب الطق الا طقاه اياه سيف ولكن على قد الالمه جدام الم قلب ولا شي يحاتي سمر ونفسيتها..

طلع يوسف لقى غرور متسنده على الكرسي ومغمضه عينها وكانها تبجي

إدآريــــه

الفصل العشرين

قرب منها ومسك يدها بكل حب وحنان رفعت رأسها جاف عيونها المليئه بالدموع ابتسم لها ابتسامه امل وضغط على يدها مسحت دموعها بيدها الثانيه وابتمست

غرور: يوسف طلبتك حبيبي

يوسف: اَمري يا بعد عمري

غرور: ودني لسمر موب قادره ايلس احاتيها

يوسف وهو يمسح على شعر غرور ويناظرها بحنيه الدنيا كلها:والله حاس فيج يلا قومي وانا اقدر اقول لحبيبتي لا

ابتسمت غرور ابتسامه امتنان : يلا عيل

ركبو السياره والصمت سيد الموقف موب قادرين يتكلمون شنو يقولون يقولون ان حياتهم مهدده للخطر

يوسف" حبيبتي

غرور: هلا

يوسف" انتي مستعده تقابلين سمر وانتي متوقعه الحاله الا اهي فيها

غرور: موب مهم المهم اني اقابلها انا خايفه وايد عليها سمر طول عمرها البلسم الا يداوي جروحي

يوسف: الله كل هذا سمر عيل انا وين رحت؟

غرور: انت بقلبي متربع

قال بتأكيد: وببقى متربع بقلبج وحياتج

فهمت غرور قصده وابتسمت بامل وقالت: مستحيل تقل مكانتك مكانتك بقلبي كبيره

يوسف: انتي قد كلمتج؟

غرور: تشك بكلامي ؟

يوسف: لا

غرور: عيل انا قد كلمتي ونص بعد

يوسف بتردد ما يمبي يضايق غرور : وسيف؟

اختفا حماس غرور : سيف اهو سبب علاقتنا لو نسيت

كان يوسف يحاول يجرجرها علشان تقول الا بقلبها ولكن غرور ما حبت تتكلم بالموضوع ولا حتى تسمح لسيف ان يدخل حياتها ويوثر عليها اكثر ما اهو موثر على نفسيتها ما تمبي تحمل يوسف طاقه وهم جديد في حياته وخصوصاً ان يوسف الا ناوي يسوي كل شي او اي شي بس علشان يجوفها سعيده

سمر دخلت الغرفه وسكرت الباب تسندت عليه طاحت على الارض مازالت مجرزحه بكت باعلى صوتها يا ترى للحين تحبيه يا سمر؟

تذكرت خداعه وكلامه مع غرور وغزله ..
حمد الا موب قادر يظل بره اكثر من جيه يمبي يتصل على غرور لكن شنو يقول لها تركي بيت ريلج وتعالي بهذا الوقت مهما يكون غرور الحين متزوجه وفي الوقت نفسه ما يقدر يدخل لاخته ويجوفها بهذه الحاله

طق الجرس حمد هرول بسرعه وفتح الباب

غرور: حمد

حمد وهو موب مصدق عينه: هلا يتي بوقتج

غرور: شلونها؟

حمد: مدري من ينه واهي يالسه بدارها

غرور: ما كلمتها؟

حمد: ما قدرت انتي تعرفين شكثر سمر غاليه عنديه ومع هذا حاولت بس اهي رافضه التكلم بالموضوع

غرور: انا بدخل لها

حمد: تفضلي

طقت الباب غرور مره ومرتين وثلاث ... وبالاخير فتحته لقت سمر وكانها تمثل انها نايمه وحتى لو نايمه صج بعد هالطق بتصحى يلست يمها تمسح على شعرها

قالت بهمس: سمر حبيبتي انا اعرف انج صاحيه قومي كلميني ترانه كلنه نحاتيج

فتحت سمر عيونها المملؤه بالدموع عدلت يلستها وحضنت بنت عمها ويلست تصيح وتكرر هالكلمات : اكرهه اكرهه

غرور: هذه الامور ما تنحل بهذه الطريقه.. اهدي حبيبتي

سمر: ما اقدر اجوفه غرور افهميني انا من اجوفه انهار من داخلي اتدمر

غرور: كل انسان ممكن يمر بتجارب وممكن تكون ناجحه وممكن تكون فاشله

سمر: حطي نفسج مكاني بعد ما كانت حياتي مستقره وحلوه ومحدوده تنكدت بلحظه وما صار عندي شي مضمون غير الدراسه

غرور: سمر الله يهداج شنو هالكلام احمدي ربج على هالنعم الا عطاج اياها

سمر وهي تحاول تهدأ: الحمدالله

غرور: ما شاء الله عليج بنت جميله ومثقفه ودمج سكر ومليون من يتمناج

ضحكت سمر على كلمه بنت عمها: مليون عاد؟

غرور: ايه ضحكي والله سيف مسكين لانه خسر معدنج الطيب

يوسف تحت ينظر غرور بالسياره سند راسه على الكرسي ومن شده التعب نام ..

اجت غرور وركبت وابتسمت بعطف وحنان: يوسف حبيبي

فتح عينه كانه طفل توه جايف امه: متى يتي ؟

غرور تنهدت: توني الحين

إدآريــــه

يوسف: ما حسيت فيج

ابتسمت : ما تنلام يا عمري وانت حاس بالدنيا من شده التعب خلني انا بسوق عنك

يوسف: شدعوه

غرور: ما تجوف عيونك الا حتى موب قادر تفتحها من التعب

يوسف: ايه اليوم ما يلست بالبيت كلج

بدلو الاماكن

يوسف : اقول غرور شخبار سمر ؟

غرور بنبره غريبه: ملزمه على الطلاق

يوسف حس ان هالموضوع يضايق غرور : ما عليه حياتي الله يعوضها خير

حب يلطف الجو: اشوه انتي الا تسوقين والله احنه بداهيه

ابتسمت غرور : انا وانت واحد حبيبي

يوسف: ومن قال ان احنه موب عايشين بدواهي الحب واي حب بعد قصه حب غرور يوسف الا يقطع كل المراحل ويستمر

غرور والدمعه بعينها: احبك يوسف

ابتسم يوسف وقال: ادري

غرور: يا غرورك

ضحك يوسف وقال: من حقي

غرور : يا سلام وشنو هالاسلوب اليديد بعد؟

يوسف: موب من حقي اعتز واغتر والغرور كله عندي

غرور : من تزوجتك وانت دنيتي

يوسف: وانتي حياتي وفرحتي

من جهه ثانيه ..

خساره الانسان الوحيد الا عطيته قلبي قلبه موب لي
قرأ المسج مره ومرتين وثلاث والله شكلها هالانسانه فاضيه انا قلقان على اختيه واهي تدز مسجات غلق موبايله ودخل المطبج
طبعاً هذه الحركه صدمه لشوق الا قلبها محترق محترق بعد الا عرفته وودها تصارحه بطريقه غير مباشره وترتاح رمت نفسها على السرير ويلست تبجي على الحب الجديد الا دخل حياتها

احب ولا يحبوني
خلاص اهم كرهوني
شنو يمبون من عيوني
خذو همي وذبحوني
ضربوني ولا تكلموني

يا قلبي وينك عني
تركتني وحدي بهمي
عطيتني وشنو اهو ذنبي
اخذت احساسي ودفنت اسمي

سيف : اووه عاد مليت من الشكاوي ما منج فايده

سناء: سيف والله موب قادره

سيف: انا ما لي دخل خدماتج واستغنينه عنها

سناء: ما تخاف اقول لهم

سيف: قلت لهم قبلج والحين يلا فارجي

سد التلفون بويهه ابو غرور طلع من الحمام

ابو غرور: من تكلمين بنصف اليل

سناء وواضح عليها الارتباك":هذه مها رفيجتي

بو غرور: الساعه 12 الحين

سناء : ادري بس كنت محتاجه اشكي لها صعوبه حملي واهي فديتها ما قصرت خففت عليه بالكلمه الطيبه

ابو غرور: لا تأذين الناس معاج بنصف اليل

سناء : ما فيها اذيه طول عمرنا نشكي لبعض لا تكبر الامور بس انت

قامت وكانها طالعه من الغرفه واهي متاكده ان ابو غرور مصدقنها

ابو غرور: على وين؟

سناء: نازله المطبخ بشرب عصير

طلعت وتركت التلفون بالغرفه ابو غرور صار له فتره شاك فيها طلعت وقرر يتاكد من شكوكه ويتصل على الرقم الا توها داقه عليه

سيف من غير ما يسمع منها حتى كلمه الو : انتي ما تفهمين انتي بهذه الحركات تخونين ريلج ابو ولدج اذا ما تحبيبنه حبي ولدج

سكر ابو غرور التلفون والدنيا تدور موب قادر يصدق رغم انه كان متوقع هذا الشي من فتره

يت سناء : انت للحين ما نمت؟

جافت بعينونه نظرات اول مره تجوفها قالت بخوف : شفيك؟

ابو غرور بنبره حاده: انتي طالق اخذي اغراضج وروحي لابوج

مر من جدامها واهي موب مصدقه الكلمه الا طلعت من لسانه انت طالق

طلعت من الغرفه جافته يالس بالصاله وجاط يده على ويهه

سناء: انا شنو سويت

ابو غرور : جب ولا كلمه

سناء: ابو غرور تكفى طلبتك

ابو غرور: تخونيني وتقولي لي طلبتك

سناء واهي تبجي : ها""

ابو غرور : مستغربه بعد لاني كشفتج انا الغلطان الا تزوجت لي بنت كبر بنتي علشان الولد لكن شلون يتربى الولد والام موب متربيه..

ارتفع صوته وازدادت عصبيته: طلعي بره بره ما امبي اجوفج بهذا البيت

بجت باعلى صوتها ودخلت الغرفه ابو غرور على طول طره على باله حمد دخل غرفته حمد ولد اخوه ولده ما يدري شلون قسى قلبه عليه لام نفسه بدل المره الف على كل الا سواه بعياله غرور وحمد وسمر"

من جهه ثانيه
ناصر..

موب قادر ييلس على الكرسي يحاتي سمر وسمر بفتره قصيره شغلت جزء كبير في حياته سمع صوت غرور ويوسف وهو رادين عرف انهم رادين من عند سمر ما قدر يكتم شوقه ولهفته خلاص نقدر نقول ناصر يحب سمر لكن سمر شنو؟

ناصر: يوسف لو سمحت امبيك

يوسف: خير

ناصر: الخيربويهك

غرور: اوكي عيل انا اخليكم تصبحون على خير

ناصر: وانتي من اهل الخير

طلعت غرور

ناصر وهو يمسك يد اخوه: ها بشر؟

يوسف: مدري ليش مكبرين الموضوع سمر ما فيها الا العافيه

ناصر: اكيد

إدآريــــه

تابع للفصل العشرين ..

ناصر: اكيد؟

يوسف : اكيد بس انت ريح نفسك ونام

ناصر: يصير خير اطلع انت بس لزوجتك

يوسف : اوكي يلا تصبح على خير

ناصر بذهول: وانت من اهله

غرور استغلت يلست يوسف مع ناصر ورمت نفسها على السرير ويلست تصيح متشائمه من وجود سيف بحياتها وخايفه على حبها وحياتها مع يوسف

اتعلم انك نعمتي ..
وكلامك افعالي...
اعطيتك دنيتي
واهديتني رضائي
متى نكبر ونرتوي
لنجمع معن اوراقي ...
كالورده انا في الموطني
وانت باقه ازهاري ...

يوسف الا دخل الغرفه من غير ما يدري لقاها تبجي ومنظرها يقطع القلب قرب منها ويلس مجابلها ومسح على شعرها بحنيه وبعيونه دمعه حب حس ان غرور تتعذب

قال بحنيه: غرور

رفعت غرور راسها ضماها يوسف ويلس يطبطب عليها ..

غرور بنبره ترجي وصوتها رايح من البجي : يوسف تكفى لا تتركني

يوسف: حبيبتي شفيج اهدي انا ااترك الدنيا كلها ولا اتركج

غرور : اَخ

يوسف : شفيج غرور ((صرخ باعلى صوته شفيج غرور ))

اغمى عليها ..

يتبع في الفصل 21

حمــــــــــآسسسس
يلآ ننتظر التكملــــــــــــــه
لآ تتأخري علينـآ
روآيــــة غرور يوســــف .. - صفحة 2 1631909196

» هل الثقه بالنفس غرور ؟؟